A fundación Uxío Novoneyra do Courel opta ao Premio do Público Culturgal 2019

A Fundación Uxío Novoneyra do Courel opta ao Premio do Público Culturgal 2019
Tamén aspira ao mesmo galardón o Club Clavicémbalo de Lugo.


Uxío Novoneyra / ivanlopezgimeno.com

O festival Novos Cinemas de Pontevedra, o Club Clavicémbalo de Lugo e o Eidos Fest da Fundación Uxío Novoneyra no Courel son o tres candidatos seleccionados para optar ao Premio do Público no Culturgal 2019.


Así o explicaron os organizadores da cita, que apuntaron que, desde este martes e ata o 19 de novembro, o público pode escoller entre este tres proxectos que se relacionan coa sociedade civil, fomentan a súa implicación e promoven a transversalidade e a colaboración.

Nas anteriores edicións do Culturgal, que se celebrará este ano entre o 29 de novembro e o 1 de decembro en Pontevedra, recibiron os premios do público o Salón do Libro Infantil e Xuvenil de Pontevedra, o Diario Cultural da Radio Galega, o Festival de Cinema Curtocircuito, o Festival Agrogay da Ulloa, o Play-Doc e a Casa de Rosalía.

http://xornaldelemos.gal/cultura/14843-a-fundacion-uxio-novoneyra-do-courel-opta-ao-premio-do-publico-culturgal-2019/

O Caurel homenaxea á castaña

Festa da Castaña do Caurel / Deputación Provincial

O Caurel homenaxea á castaña
Este sábado o Caurel celebrou a XXXII Festa da Castaña do Caurel, unha cita para poñer en valor este produto que dinamiza a economía local.

A Deputación Provincial colabora con este evento cunha achega económica de 6.000 euros. A cita declarada Festa de Interese Turístico Galego no 2013, pon en valor a castaña, un dos produtos máis característicos da provincia.


A xornada arrancou ás 12:00 horas coa demostración de cestaría e a actuación do grupo de Gaitas e Cantores do Caurel. Posteriormente deu comezo a degustación gratuíta de castañas asadas e o pregón, que correu a cargo do chef Iván Domínguez.

Xa pola tarde, houbo actividades para o público infantil da man de Borja Insua co espectáculo de monicreques Circo Galaico. Ao longo de todo o día o evento estivo amenizado por grupos musicais e charangas. Ademais, no recinto da festa, os visitantes e veciñanza puideron gozar de diferentes postos de produtos locais e artesanía, obradoiros e demostracións de temática variada.

http://xornaldelemos.gal/sociedade/14798-o-caurel-homenaxea-a-castana/