Inauguración novo Centro Interpretación Covas do Courel / Xunta de GaliciaO Centro de Interpretación das Covas do Courel naceu, en Meiraos, ca intención de ser un recurso turístico de primeira magnitude que non só poña en valor o rural da zona, senón que contribúa a impulsar a actividade comercial e o emprego desta localidade, grazas á chegada de visitantes e especialistas interesados en coñecer o patrimonio cultural. Nas súas diferentes salas, totalmente rehabilitadas serven de contedor dunha multitude de información sobre as características, historia e curiosidades das cavidades das Montañas do Courel. Deste xeito, os que alí se acheguen poden ver, tocar e comprobar, con distintos elementos e tecnoloxías audiovisuais, como se formaron as covas, a bioloxía presentas nas mesas, a descrición do seu valor paleontolóxico e arqueolóxico e obter unha visión das mesmas dende o punto de vista da espeleoloxía e o acceso a través de barrancos.
Este novo recurso do Folgoso, ven a completar unha rede que ten como obxectivo dar a coñecer o inmenso tesouro natural que hai na zona, e, en particular, que aspira a recibir o recoñecemento mundial como xeoparque da UNESCO.
A alcaldesa de Folgoso, Lola Castro, avanzou co Concello está traballando na organización dunhas xornadas de portas abertas que se anunciarán nas videiras e que permitirán a todos os veciños do xeoparque coñecer, difundir e promocionar as Covas do Courel.
O novo proxecto fíxose realidade tras acadar un acordo entre distintas entidades administrativas que permitiu a achega de 75.000 euros, dos cales, 40.000 proceden dun convenio de colaboración asinado ca Consellería de Cultura e Educación, 24.000 foron aportados polo Grupo de Desenvolvemento Rural da zona e os restantes 11.000 foron achegados directamente polo Concello.
